陳少寶日前就舞影行動一案往廉署續保，他昨和李克勤往商台接受錄音訪問。李克勤問陳少寶為何張栢芝沒唱片推出，陳少寶說：「有冇佢電話？你打去問佢囉！我點知，可能電影對栢芝嚟講係好重要嘅收入，今時今日係得克勤賣吓唱片，就有兩餐安樂茶飯。」
事後再追問少寶究竟栢芝與環球的關係如何？他說：「首先我好耐冇見栢芝，佢重有約，但唔係好耐，總之雙方喺和平氣氛下……」言下之意是否指解約？他笑言：「我冇話解約，邊個寫斬邊個呀！總之到𠵱家為止，冇空間錄到碟。」為何栢芝不用還碟債？他說：「唉！我哋唔係不近人情嘅，佢重賣得，而且佢唔止爭唱片，電影佢都爭好多套啦。」
此外，有指黃凱芹不滿李克勤，指環球厚此薄彼，克勤說：「以人格保證佢絕對唔係呢種人，以前都冇爭，點會𠵱家先爭。環球只係得一個一哥，就係陳少寶。」