特區政府有好多來自外國嘅精英，個個英文「肋肋」聲，可惜香港已回歸祖國，「煲冬瓜」唔掂其實更麻煩。自認中文唔好嘅衞生福利及食物局局長楊永強，講錯一句「沙士無社區爆發」，但佢契媽楊紫芝以「佢廣東話唔好」嚟為佢開脫，可見少爺強嘅中文水平。
楊局長噚日出席一個中醫藥發展國際基金會嘅開幕禮時，竟然「越級挑戰」，當住多個高官同胞面用普通話致辭，聽到八方摸不着頭腦。
輪到醫管局主席梁智鴻出場，佢一開口就話冇局長咁「勇敢」，如果用廣東話可能有一半人聽唔明，但用普通話呢，就全場都聽唔明嘞。楊局長同梁主席將來成日要同大陸收料，防沙士再襲，唔快啲練好啲普通話，試問點落實個通報機制呢？
傳真︰2623-9278
電郵︰