國家商務部副部長安民，噚日出席澳門嘅「屍爬」簽署儀式後現身記者會，講解細節。本來香港傳媒對澳門新聞局嘅妥善安排讚口不絕，但記者會竟出現「閃失」，不單止港澳傳媒有微言，就連安民都喺台上直斥大會安排。
話說澳門新聞局為照顧各地不同媒體，安排咗即時傳譯，但一名操葡語嘅澳門傳媒提問時，繙譯全無反應，搞到安民好唔耐煩咁喺台上多次抱怨「沒有繙譯。」
講開冇繙譯，澳門嘅傳媒可能見有繙譯提供，所以大部份都以廣東話發問，直至香港傳媒用普通話發問時，安民即大為欣賞，直言「感謝你用普通話發問。」更語帶相關咁對澳門傳媒話：「澳門都應該多一點說普通話，否則與內地就不夠緊密」。
傳真︰2623-9278
電郵︰