房屋署副署長鍾麗幗（圖）永遠有驚喜畀大家。今年四月沙士肆虐期間，鍾小姐要告樓上嘅住戶曹廣玉水喉破裂漏水，搞到佢主人房廁所天花板濕晒，出入都要擔遮，而且啲水又唔知幾污糟㖭，真係幾可憐。
八方聽聞，過咗大半年，灣仔地院已經接受咗鍾小姐嘅入稟。你唔好以為我哋嘅副署長係女人就好蝦啲，鍾小姐其實有好多fans，呢件事曝光之後，佢收到好多鮮花慰問，而且好多人主動聯絡佢，交流吓樓上漏屎水之類嘅心得。
鍾小姐間豪宅位於寶雲道，喺沒有廁所用嘅日子，佢只好搬去仔女屋企住，住豪宅住到咁慘，八方都係第一次聽到。
傳真︰2623-9278
電郵︰