深津繪里果然係演技派女優，拍戲拍廣告都要講求迫真。早兩日佢幫日本一張信用卡拍廣告，講佢去到泰國旅行飲冬蔭功湯，本來個導演只係畀隻空碗佢扮飲，點知佢話咁樣飲唔出感情，重自動要求加辣二十倍嘅湯！結果係點？當然係辣到眼水都標埋啦，唔知佢咁算係攞苦嚟辛，定係叫有專業精神呢？