法國時裝名牌Celine昨日舉行○四早春系列，七彩多姿的新裝帶來一片度假氣息。名模樂基兒穿上彩藍色比堅尼行騷，露出七年前紋在左邊大腿上的BB公仔紋身及新穿的臍環。樂基兒表示不介意紋身曝光，並說：「工作最重要係塊面，個身就唔怕啦！」
法國時裝名牌Celine昨日在深水灣舉行○四早春系列，由名模周汶錡、樂基兒及Sofia等示範新裝。今季Celine帶來一片春日度假法式情懷，風格盡以舒適和悠閒為主，色彩繽紛可人，包括有鮮黃、鮮紅及彩藍等。
用料方面，除麻紗和絲緞外，還有帶六十年代modstyle的閃亮漆皮。而今季重點details有沿裙邊作花朵紋的中空花朵圖案及大量鉚釘、交叉縛帶等，散發點點法式性感風情。
示範比堅尼泳衣的樂基兒露出大腿上的奶嘴BB仔紋身及臍環，她說：「紋咗六、七年囉！冇特別意思嘅，不過重未完成㗎，我遲啲要幫佢上色，畫條黑白色底褲畀佢着。至於臍環，就穿咗半年，喺馬來西亞穿嘅，一啲都唔痛，我喺美國長大，覺得好平常啫！工作最重要係塊面，個身就唔怕啦！」問樂基兒可會考慮穿乳環？她即肯定地說：「No！No！No！」
而周汶錡則真空上陣示範鮮紅色連身裙，她說：「我呢個係瑪麗蓮夢露造型，設計係咁，冇得打底。」她又表示早前為一本男士雜誌拍性感封面照，做足安全措施，她說：「我嗰次着咗底褲、襪褲同短褲，內衣外穿就係fashion，可以接受，影寫真相就暫時未夠膽。」對於MaggieQ冧Celine老闆博贊助，周汶錡說：「我哋做模特兒一向有贊助，唔使啦，食飯應酬都係好少㗎。」
採訪：JessicaNgan 攝影：RickyChan
