黃伊汶（Emme）每次出騷均勁歌熱舞。今年秋冬，Emme選擇以皮革示人，更主攻意大利品牌PatriziaPepe，她認為黑白色調的皮衫褲最有型有款又sexy。
今年秋冬，黃伊汶決定滿身「皮氣」，專攻皮革服飾和配件，她日前說：「我覺得着皮會好型，本來都想着fur（皮草），因為可以高貴啲，但又怕唔環保，所以我都係買皮嘅嘢多。我𠵱家四圍採購皮靴，要長到去大髀嗰啲。」
皮革服飾通常比較貴，Emme卻並不擔心價錢，她說：「唔怕，我通常都係睇啱先買，唔會亂嚟。不過我買衫唔限budget，暫時入咗嘅秋冬貨都係兩、三萬到啦！」
Emme日前出席一個音樂會時，便以黑衫襯皮褲亮相，而她當日所穿的haltertop和皮褲分別價值二千多元和四千多元，均出自意大利品牌PatriziaPepe。由於這品牌的服裝較能凸顯穿着者的高䠷身材，看起來特別有型，加上Emme以全黑上陣，顯得她性感又神秘感。
至於配飾方面，Emme則佩戴了一條年輕品牌Furla的白色手繩，將原本以黑為主的配搭更顯突出。
談到秋冬興甚麼顏色的衣服時，一早開始搜購秋冬裝的Emme表示會主攻黑、白兩色，她說：「今年興黑、白，咁我當然都係以呢兩隻色為主啦！而且我呢排啲歌都係快歌跳舞多，着呢兩隻色特別適合，睇起上嚟神秘感好重。」
