日產車廠近年狀態大勇，先後推出多款新車，如新一代Skyline、March等等，全都備受車迷追捧；而響嚟緊嘅第37屆東京車展上，佢哋又會展出多部概念車，當中一部稱為C-Note嘅車款，勢成全場焦點所在呢！
雖然廠方暫時並無公布太多關於C-Note嘅資料，例如車廂配搭及機械組合等等；但從簡短嘅資料中，可以得知新車擁有一個令人覺得寬敞闊落，以及乘坐舒適度高嘅車廂組合，而色彩配搭亦見鮮豔奪目，好啱一群年輕車迷口味。至於外觀上，C-Note不但擁有一份年輕活力感，而且望落重好有跑車色彩㖭！若然你對此車感興趣的話，就記住要留意更多關於東京車展嘅消息喇！