香港人嘅身份證，大都可令人發笑。近月政府開始為市民換領智能身份證，呢個壯舉，令身邊不少人都非常期待，希望藉此可以影張靚相，「重新做人」。正因為咁，近日有造型公司推出特別為智能身份證而設嘅造型服務，為咗睇睇其手勢如何，今次特別搵嚟係時候換證（即68、69年出生）嘅模特兒，即場體驗一下係咪值得一試！
記者、攝影：張銘恩
Model：Michelle（RichStrategy）
唔想專程搵人化妝Set頭，其實都可以嘗試自己DIY。由於身份證係影黑白相，最重要係突出面部輪廓。擁有十多年廣告化妝經驗嘅MaggieWong今日就醒幾個貼士畀各位，快啲攞把鉸剪出嚟剪底佢啦！
1.膚色要均勻，所以一定要遮瑕、塗粉底。
2.眼部非常重要，畫眼線、塗Mascara及修眉都不可缺一。
3.唇色以自然為主，不要太重LipGloss，否則會導致反光。
4.忌將面部陰影打得過重，因為於黑白相中會形成「一忽忽」的效果，閃粉閃片亦可留番去Party先用。
1.髮型以整齊乾淨為主，前額劉海不要遮面。
2.髮色莫染得太淺，否則有可能睇唔到。
3.頭髮太少或太碎都不宜Gel得太勁，因為會令頭髮睇落更少。
4.髮型最好咪咁誇，否則第日Out咗就會好娘。
Michelle：「我覺得化妝師同髮型師手勢都幾Pro，造型之後個樣精神咗，好滿意。而價錢方面都幾合理，因為身份證要用好耐，所以值得使啲錢整靚自己去影相嘅。」
收費：造型套餐優惠價（男女皆可）：$398（原價：$1,000）
地址：TouchUpProduction尖沙嘴新世界中心1樓18號舖
預約電話：27171940