港府包底製作的《維港巨星匯》今晚由Prince掀序幕，演出名單一改再改，惹來已買票的市民投訴。據悉譚詠麟和張學友已正式辭演，而消委會則表示大會將有退票安排。
由政府包底八千萬元製作的《維港巨星匯》，今晚由外國歌手Prince夥拍莫文蔚打頭陣揭幕，不過維港騷演出名單一改再改，令外界狂轟政府運作混亂。
早前大會事先張揚韓國人氣組合FlyToTheSky及S會於本月三十一日來港演出《亞洲人氣偶像之夜》節目，但日前忽然指兩隊組合不能來港，並拒絕退票，令不少已購票的韓迷群起向消費者委員會及議員投訴。
消委會的蘇先生昨日說：「呢兩日都收咗幾宗投訴，但就未有正式統計數字。我哋重同有關方面聯絡跟進緊，啱啱亦聽到大會肯退票嘅消息，如果肯退票，就冇事啦。」
但組合Ｓ的本地歌迷代表阿Kar則表示仍未收到大會退票通知，更謂Ｓ的經理人亦不知為何會取消表演。不過另一方面，韓國人氣性感女歌手李孝利近日已答允參與本月三十一日的維港騷演出。
至於愛爾蘭男子組合Westlife原本獲安排本月二十五日演出，但據知Westlife仍未落實演出，昨日有Westlife歌迷致電報館投訴。
而原本有份演出的張學友昨日到港台出席《警訊》活動時則表示不會演出維港騷，他說：「佢哋想我同Santana演出，但係我冇時間，又唔喺香港，唔係因為大細超事。」
另一方面，譚詠麟昨日在紅磡開記招時透露原本大會邀請他與Prince一同表演，他說：「Prince襯阿梅就好睇啫，我同Prince夾唔埋，又冇時間，所以拒絕咗。」
另外，阿倫就取消本月三十一日在北京工人體育場舉行的《譚詠麟北京演唱會2003》作出澄清，他說：「因為批文同定金方面出咗問題，我哋已經喺網上歌迷會網址度留言話取消個唱，點知接洽人劉波重喺網上售票，我希望佢會停，佢可能會負上刑事責任。至於對方話我收咗百幾萬定金，咁叫佢攞收據出嚟囉。」有份協辦演唱會的藝能昨日發表聲明表示會保留法律追究權利。