85年已入行的草蜢成員蔡一傑，最近推出個人新歌。面對新一代的歌手，他竟然直指自己參加頒獎禮時，就連新人獎也會輸，他說：「我又唔識攝位、又唔識做緋聞，唔夠佢哋嚟啦！」
九十年代曾紅極一時的三人組合草蜢久未出碟，成員蔡一傑近來以個人姿態宣傳新歌，稍後還推出個人大碟。現時沒有兩個好兄弟合力出擊，兼且未有唱片公司背後支持，單看外在條件似乎比現時的新人歌手還要遜色。
曾縱橫頒獎禮多年，多次勇奪組合金獎的他，面對新一輩歌手，若今年真的競逐樂壇頒獎禮新人獎，他坦言一切隨緣，還說：「我覺得會輸囉！」
究竟阿傑何出此言？他笑着說：「我唔識攝位、唔識做緋聞、又唔識同人不和，唔夠佢哋嚟啦！𠵱家啲新人只靠外表、靠包裝，有邊個真係專注音樂？台灣都話有周杰倫、陶喆，係以音樂行先。如果你問我對今年新人邊個有印象，真係冇喎！我反而覺得，如果陳冠希再勤力啲，佢會做得好。𠵱家佢只係偏咗去拍戲，我覺得佢有心做好音樂，各方面都有進步吖！」
現正積極備戰，再度出擊的阿傑，不斷做運動操fit自己。而日前他還到商台，探一班DJ老朋友，順便介紹新歌。事後他說：「見番班老友真係好開心，我好似有四年多冇見佢哋，感覺好似返咗娘家咁。」
採訪：王連連
攝影：仇志德
