杜汶澤在電影《絕種鐵金剛》內黐鬚扮關公，嚇退蠢蛋殺手徐錦江，效果爆笑。阿澤在戲中飾演鍾欣桐（阿嬌）的舅父，更大讚阿嬌演戲不俗，認為她並不差過蔡卓妍（阿Sa）。
由鍾欣桐、陳冠希（Edison）、杜汶澤和徐錦江合演的電影《絕種鐵金鋼》將於下周上映。其中一場戲講述杜汶澤被殺手徐錦江追殺，阿澤情急智生下，竟扮關公嚇退徐錦江。
杜汶澤日前接受訪問時說：「扮關公黐嘅鬚同埋眉，其實係鞋底膠嚟嘅，扮關公條橋係王晶諗，不過關公嘅造型就係我度嘅，我想個造型特別啲，所以問劇務攞鞋底膠，啲鞋底膠平時係攞嚟墊機器，咁我咪攞嚟自己整條眉同鬚囉，出嚟效果都唔錯！」
問阿澤扮關公後，是否能成功嚇退殺手徐錦江？他說：「啲殺手多數都係蠢蛋，梗係畀我呃倒啦！」
在戲中杜汶澤飾演阿嬌的舅父，兩人有不少對手戲，杜汶澤覺得阿嬌表現不俗，他說：「我覺得阿嬌幾好喎，雖然出面話阿Sa拍電影機會多過佢，又傳話價錢貴過佢，但我覺得阿嬌幾好，而且佢個人幾可愛，又幾真。」
阿嬌在戲中與曾傳緋聞的Edison扮演情侶，問阿澤兩人在拍戲現場可有眉來眼去？他即大耍太極說：「咁呢樣嘢我就幫唔到你哋啦，因為我同Edison好少對手戲，真係唔知。」
撰文：蔡丹
