真係唔知算係乜嘢關係嘅安室奈美惠同前夫SAM，早幾日又再出現喺佢哋個仔仔溫大嘅幼稚園運動會入面，當日佢兩個雞啄唔斷，一家三口嘅情景好似好幸福。但有雜誌引述安室嘅朋友話，安室透露對戀愛感到疲倦，同新男友三宅健有問題，所以不時向前夫訴苦，又話安室對前夫真係完全死心，只係當佢知心朋友啫。