又一隻以醫生做招牌的美國護膚品登陸香港！一直擁有唔少荷李活名媛及明星客仔的Dr.Murad，本為執業藥劑師，做過美軍軍醫，最後躋身執業皮膚科醫生行列，在職創舉是首位以醫生身份開設個人治療DaySpa。
既然女人錢好搵，Dr.Murad乾脆推出以己命名的SkinCare系列，運用大半生的行醫經驗調配出獨家護膚配方，並且創下11項專利。其中兩隻王牌產品香港已經有得賣，一隻係保濕鎖水勁掂的CellularReplenishingSerum，記者現場目睹將呢支保濕液浸住提子乾，結果比用水浸住的提子乾更快吸收，提子表面乾紋變得比水浸的提子乾更光滑更潤澤。另一隻必買王牌係NightReformTreatment，一夜之間去角質、更新細胞、收緊鬆弛的皮膚，連Dr.Murad自己都開腔推薦，話如果要佢揀一款每日不可或缺的護膚品，佢諗都唔諗只揀呢隻。
記者：余敏 攝影：陳智良
Murad（25770050）
銅鑼灣皇室大廈西武地下