保護海港行動近排冇咗徐律師徐嘉慎喺度，好似突然間靜晒，但係外弛內張，新近成立嘅海港之友呢排裏頭鬧得熱烘烘，噚日佢哋出咗份新聞稿，澄清話佢哋冇內訌，換咗發言人兼換埋會長都係大家投票贊成嘅。
自九月出嚟宣布成立海港之友至今都不過係個零月，當時重係會長嘅周瑜，會長個名銜𠵱家要加個「前」字，新會長就由徐律師位親姪女徐慧玲擔任。徐小姐噚日同八方一再強調，佢哋冇內訌，但就承認有啲唔方便透露嘅原因，所以原本擔任對外事務嘅梁劍豪就唔再係佢哋嘅發言人，至於點解換會長，係因為周瑜唔得閒啫。
（圖）海港之友換會長，周瑜（右）出局，由徐嘉慎（左）嘅姪女徐慧玲接任。
傳真︰2623-9278
電郵︰