劉德華和陳慧琳（Kelly）前晚拍攝新片《無間道III終極無間》煞科戲，講述二人駕車撞向水馬，水花四濺。Kelly提到日前跟梁朝偉拍攝咀戲，因為用錯力，結果導致雙腳又紅又瘀。
劉德華和陳慧琳前晚在金鐘添馬艦拍攝新片《無間道Ⅲ終極無間》煞科戲，劇情講述二人駕車途中撞爆路邊水馬。
電影公司安排替身上陣，然後華仔和Kelly才在車上做表情。拍攝完畢，前來探班的寰宇老闆林建岳和工作人員一同開香檳慶祝。
提到早前與梁朝偉拍激吻戲，Kelly說：「我哋錫到跌咗落地，因為我用錯力，搞到隻腳瘀晒，嗰場戲係講偉仔激嬲咗我之後𠱁番我。上次我同竹野內豐喺《冷靜與熱情》嗰場咀戲，重激啦。」
問Kelly跟偉仔拍咀戲，感覺如何？她說：「我盡量入戲，幻想自己係嘉玲，本來想幻想偉仔係我男友，但佢哋都唔同嘴形。」問Kelly覺得偉仔和男友，誰的嘴唇較軟？她說：「唔知，拍嗰場戲我好緊張，ＮＧ咗三、四次。」問Kelly可會讓男友看這場激吻戲？她說：「我會畀佢睇，話畀佢知嗰個係嘉玲。」
採訪：王連連
攝影：陳慧安
