梁詠琪（GiGi）一向崇尚chic&casual的服飾，她出席電台活動最愛以便服示人，更不會死攻一個牌子。即使GiGi早前到紐約掃貨，買的也非全是貴價貨，而Converse更是她的襯衫最愛。
近日升格為十大傑出青年的梁詠琪，衣着向來以簡潔自然為主。GiGi對時裝有其一套見解，她每季預留十五萬元作置裝費，但不會專攻一隻牌子，着重的是易襯及舒服，所以平日在GiGi身上出現的是「聯合國」品牌，以不同牌子的衣服配飾，互相搭配。
GiGi連日來不斷出席電台活動，多以舒適的便服示人，她一向較為偏愛粉色系列，使人看來有柔和感。GiGi透露她早前到美加登台時，便抽空買了不少秋冬便服回港，問她覺得今年秋冬會流行甚麼？GiGi說：「一啲絹嘅質地，好似我着住呢條金色褲，好舒服，casual得來又唔會唔見得人，求其襯件外套或T恤就可以出門口。我喺美國重買咗一對絹面嘅Converse，應該會幾興，而且重好百搭易襯，除咗隆重場合外，幾乎乜都襯到。」
對於首飾，GiGi則比較喜歡一些有圖案及色彩繽紛的設計，她說：「我近年都幾鍾意ChristianDior出嘅飾物，因為都出咗唔少colourful嘅product，感覺高貴得來又有啲可愛，襯便服一流，不過其他牌子只要特別，我都會買。」
至於成為傑青後，其衣着打扮會如何配合新身份？GiGi說：「最緊要都係睇場合，我就比較鍾意casualwear，一件Tee襯一條牛仔褲都可以好好，好似我嘅身份係歌手，冇理由着到成個OL咁㗎嘛。」
採訪、攝影：胡比
