關心妍（Jade）昨日在中環出席活動，她透露差點兒忘記了母親在上星期日的生日，她說：「因為舊年應承過媽咪今年幫佢搞個大型生日會，我冇諗過時間過得咁快，好彩最終都有三、四日時間籌備，喺酒店訂咗房睇煙花，重安排咗個神秘男人畀佢。」 神秘男人正是她媽媽的男友，Jade解釋說：「原本佢要返內地公幹，唔可以同媽咪慶祝，但嗰日佢神秘出現，令到媽咪好開心㖭。」 唔慣屋企有男人 問阿Jade她母親會否考慮再婚？她說：「我諗唔會啦，因為到𠵱家我都係同媽咪住嘅，我唔慣有個叫爹哋嘅男人喺屋企，或者等我結婚之後啦。」