想唔到將踏入10月下旬，因有多款家庭MPV快將抵港關係，弄得本地車市有如斯熱鬧境況，原定豐田Facelifted新版Picnic，會搶先響本田Stepwgn同Stream之前，喺今個月底前正式跟香港車迷見面；殊不知昨日亞Mark收到有關知情人士報料，話本田部新版八人家庭MPV嘅Stepwgn，有望響今個周末前抵埗；若然時間配合的話，重好大機會喺嚟緊周六及周日，展示於各大本田陳列室㖭！此舉明顯抗衡對手事先張揚嘅伎倆，免致給人飲頭啖湯嘛！據知，新版Stepwgn響包裝同設備上，同樣有唔少改動，加上實用又寬敞多變嘅車廂鋪排，聽聞新款Stepwgn標準版賣價，不過係19萬9千8蚊，而至頂級豪華嘅Deluxe版本，賣價亦只係24萬6千8咋！響日圓高企嘅情況下，亦只有酌量調升，又真係幾吸引㗎！若然各位車迷周六周日逛開街，就不妨去本田陳列室睇吓望唔望到部新版Stepwgn喇！