煲呔雖然慘遭阿董打入冷宮，但愈處於絕境，生存意志愈強，佢又主動出擊，唔到特首唔服。
好似佢條頸咁，明明做緊物理治療，不宜外出，佢都死頂，月底又出發去韓國，繼續推銷沙士之後嘅香港如何充滿動力，煲呔精神盡見於此。當然佢都未至於為特區賣命去得太遠，始終醫生有命要好好休息，所以歐洲就唔去住。
噚日佢又喺立法會俾班議員質問7.1教訓咗政府乜嘢？煲呔都沉得住氣，只係塊面口就黑咗少少。
講番轉頭，煲呔日前喺辦公室見李超人，話就話冇乜嘢傾，但係人都知道佢哋傾河套工業特區，八方一直佩服鬍鬚仔曾俊華好勇，敢向李超人說不，但係曾局長可能新官上任未夠圓滑，對經濟亦唔係睇得咁透，以後再有人有高見，死都話可以諗諗，就唔使俾執行特首曾鈺成有機可乘，指住個鼻嚟教訓。
（圖左）煲呔曾噚日喺立法會俾班議員激到面黑黑。
傳真︰2623-9278
電郵︰