陳慧琳（Kelly）和古巨基近日先後穿上一對Puma與日本設計師三原康裕crossover的MY-7波鞋。Kelly穿着金色MY-7波鞋演國慶騷，基仔則盡掃金、銀兩色，日前他到港大演講，便以銀色MY-7配襯Prada紅色外套亮相。
品牌間crossover熱潮仍未減退，近日就有Puma與日本設計師三原康裕（MiharaYasuhiro）crossover的限量版MY-7波鞋，分男、女裝及金、銀兩色，成為潮人搶購對象。
日前Kelly穿着MY-7金色波鞋到將軍澳電視廣播城演出國慶騷，而古巨基前日到港大擔任演講嘉賓，也穿着同款銀色波鞋亮相。劉德華和古天樂亦已入貨。
Kelly擁有的一對是MiharaYasuhiro贊助，她以黑色底金色圖案的斜膊上衣襯黑褲，再加銀腰帶演出，又唱又跳，金色鞋在黑衣襯托下特別搶眼有型。
而基仔則表示他早前到日本公幹時順道瘋狂購物，一見MY-7便情有獨鍾，他說：「我喺日本見到呢對鞋時，間舖頭只得番對sample，而且賣成千八蚊港幣，我返到香港，發現連卡佛有得賣，於是即刻叫人幫我留貨，最開心嘅係喺香港折實都只係千二蚊左右，平咗六百蚊㖭，於是我金色同銀色各買一對。」
基仔日前為台灣歌手何耀珊音樂會擔任嘉賓時，便穿上金色MY-7亮相，他說：「其實着呢啲咁sharp嘅顏色，除咗襯啲沉色啲嘅嚟凸顯佢之外，亦可以用啲鮮色嘅嘢嚟撞吓，效果都幾有火花。」
此外，基仔日前到港大演講前，特別費神穿甚麼亮相，他說：「我諗住大學生都係年輕人，我用傾偈交流嘅心態去，所以衣着打扮最好有親切感，咁會傾得開心啲。」基仔當日以Prada紅色外套襯白Tee黑褲，配襯手繩及頸鏈，打扮甚young。
日本設計師三原康裕（MiharaYasuhiro）畢業於多摩美術大學，就學時便以靴和鞋為創作中心，九九年秋冬正式在日本表參道成立同名專賣店。MY九八年首次與Puma合作，由三原設計、只在日本特定商店售賣的Puma波鞋，命名為MY-1，引起極大迴響。去年開始，Puma將部份商品開放到其他國家售賣，至今已推出至MY-8。
