一個人生得高，對眼通常都會飛上頭殼頂。八方近日聽到一個故事，話說有一位行政會議嘅「高人」，經常都要飛嚟飛去，特別係成日要去同佢關係好好嘅偉大祖國。
幾年前，當呢位高人未紅，出入境過關，關員只當佢係一般市民看待，冇同佢特別打招呼，但係高人自以為人人都應該識得佢，於是投訴關員冇禮貌。
到咗𠵱家，高人做咗紅人喇，關員為免麻煩，一見到佢都已經特別小心，但係高人鍾意投訴嘅「A-1號」型個性不但未改，重加多兩分報復嘅力度，入境處周不時都會收到佢投訴某某無禮、某某見到旅客唔笑、排隊排得太耐……嘅各式各樣投訴。雖然個個私下都話佢乞人憎，話佢小人得志，但係表面上都要忍。八方好心提一句，做行政會議都係一時啫，遲早都打回原形，好似於就想走啦，到時因住俾入境處玩番轉頭。
傳真︰2623-9278
電郵︰