「美國商會」搞《維港巨星匯》，搵到特區政府包底，包底費最高不超過八千萬元，引起議論紛紛。政府未必要拎咁多錢出嚟嘅，好似皇家馬德里訪港，最初又話政府可能包底二千萬，最後其實磅水八十萬了事，但康文署收番場租二百萬，特區政府其實賺咗㖭。呢次《維港巨星匯》（HarbourFest）希望又係喜劇收場啦。
暫時唔好為咗包底費拗頸住，睇吓有乜節目先。後日（十月十七日）就有Prince打頭陣，勁爆添馬艦。Prince唱片曾銷出一億張，八四年嘅PurpleRain紅極一時。十月十八日星期六，年輕新秀CraigDavid與亞洲最傑出藝人李玟上台接棒，十月二十日JoseCarreras與CharlotteChurch上陣……一直去到十一月六日都有節目，鍾意流行音樂嘅，成個月都不愁寂寞，食完晚飯就可以去添馬艦聽演唱會。聽完就行落灣仔或者上番蘭桂坊飲個飽，慶祝香港金股滙樓市齊齊升。
餐廳羅上網（