黃貫中日前獲倪震公開大表佩服，指他因尊重女友朱茵的宗教信仰而「忍住唔做」，昨日黃貫中直認與朱茵沒有婚前性行為，並笑言其音樂亦因而愈來愈火爆。向有性感女神之稱的朱茵，沒想到性觀念是如此保守。
性感女神朱茵多年來篤信基督教，去年更曾公開表示反對婚前性行為，又自言與拍拖五年的男朋友黃貫中（Paul）有共識，她說：「拍拖就拍拖，有都係留番結婚先去做。」昨日阿Paul亦直認與朱茵沒有性生活。
日前倪震在商台新節目《絕情谷》的記者會上，選「絕頂好情人」時阿Paul被排在第五位，倪震更表示非常佩服阿Paul，他說：「阿Paul呢個男人血氣方剛，但係為咗尊重佢女友（朱茵）嘅信仰而忍住唔做。」
其實朱茵出道至今每作性感打扮，都會令人不期然想入非非，由早前的纖體泳衣照，其後的網劇《男女字典》性感演出，到最近新唱片的誘人宣傳照，性感程度都叫不少男士看得血脈沸騰。當朱茵與阿Paul九八年傳出戀情至九九年正式承認拍拖時，相信曾有不少男士對他又羨又妒，但他們絕對猜不到阿Paul原來「有得睇冇得使」。
昨日阿Paul應蕭芳芳邀請出席「護苗基金」活動時，被問到日前倪震選他為「絕頂好情人」是因他面對佳人還如此忍得一事時，他先是一臉茫然，然後說：「點解佢（倪震）咁了解我？佢都係一個唔錯嘅情人。」談到朱茵曾表示反對婚前性行為，阿Paul說：「梗係要尊重，呢啲係基本尊重，大家真係太抬舉我啦！我係個普通人，唔係聖人，聽到我好凝重。」
問阿Paul是否忍得非常辛苦時，他打趣說：「你唔見我啲音樂愈嚟愈火爆咩？」阿Paul曾在歌詞中大罵一眾高官，莫非他是借此洩憤？再問到朱茵經常打扮得十分性感，會否令他火上加油？阿Paul說：「基本上佢見我唔性感。」
問到阿Paul有否想過盡快結婚，早日釋放？他說：「我會朝住呢個方向去，我有計劃，但係未有日期，佢又忙我又忙，結婚係人生大事，我會樂觀面對，呢個係我問題。」為何是阿Paul的問題？他說：「鬼叫我成日做嘢，又做巡迴騷咩！」
女友朱茵篤信基督教，問阿Paul會否為朱茵信教決志時，他說：「我未受洗，佢冇踢我入會，佢唔係成日掛嘴邊，我對宗教、玄學冇反對，無神論，只係好奇。」
