環境運輸及工務局局長廖秀冬每次講起佢嗰段以離婚告終嘅婚姻，佢都表現得好傷感。
無綫噚晚播出嘟嘟姐鄭裕玲訪問佢嘅節目，大談為官之道之餘，又扯到去佢嘅婚姻。
冬冬講起因為拉中提琴而同前夫（即係前高官蕭炯柱）喺樂隊度認識，重承認呢一段情幾刻骨銘心，嘟嘟問佢咁呢段感情結束係咪好傷心？冬冬話：「梗係好心傷，好無奈。」然後就默然含淚，嘟嘟於是問佢係咪勾起佢唔開心嘅嘢，佢只有點頭。
睇嚟，呢段經歷真係令冬冬好傷。
（圖）冬冬話佢同蕭炯柱嘅感情結束係「好心傷，好無奈」。資料圖片
傳真︰2623-9278
電郵︰