呢邊廂，日產新款Cefiro正準備得如火如荼之際，另一邊廂嘅豐田表現更積極，佢哋唔單止事先張揚會快將推出Facelifted新版Picnic七人MPV，務求搶先響本田推出新款Stepwgn同Stream之前登場外，而且亞Mark重收到風，話部新版Picnic下個星期尾重會運抵香港，接着代理重會響今個月底搞個大型傳媒試車會，既可以截擊對手嘅新車宣傳攻勢，而且重可以威嚇到一眾水貨車商，咪響Picnic身上打主意㖭！其次，雖然近排日圓高企，惟亞Mark聽聞即將抵港嘅新款Picnic，追加包裝同設備之餘，車價亦只會作輕微調升；如此一來，遲到埗嘅同級對手，壓力會變得更大呢！