活塞雖然欠缺星味，打法沉悶，但原來「禾稈冚珍珠」！這支球隊是聯盟去季罕有的「長賺之師」，無論主場作客，長捧都有錢袋。
活塞上季的主場和作客的贏盤率均為五成七，雖然扣回「水位」後獲利不算很豐厚，不過若睇準時機出擊，分頭亦相當可觀；例如在活塞主場讓一至七分半的盤路為十四贏、八輸，贏錢機會近六成四。相反，如果主場讓多過八分以上的賽事就少掂為妙，因為贏盤率只有四成左右。
作客方面，活塞讓一至七分半的十六場有開盤賽事中，盤路為十一贏、五輸，贏盤率達近七成，絕對是重鎚出擊的好時機！另外，在受讓一至三分半的盤路亦有七贏、三輸，贏錢機會有成七成八；但要注意若受讓多過三分半，活塞通常輸多贏少。
活塞的季後賽盤路則要捧主棄客，皆因其主場盤路為六贏、三輸，贏盤率近六成七；但作客盤路卻只得二贏、六輸，輸盤機會高達七成半。