到底誰人發恐嚇信給徐嘉慎，嚇得徐律師從此封口落台，甚至避走倫敦逃難？雖然重案組已經着手調查，我們還是想做好市民，助警方一臂之力破案。大家集思廣益腦震盪，發現最有可疑的恐嚇者，是：
一神舟五號。中國人征空的國家大事，茲事體大，唔想被人嘈嘈閉搶鏡，徐嘉慎做了媒體的封面人物，有阻住月球轉之嫌。二孫公的fans。注意不是fan屎，因為fan屎只會潑糞不會發恐嚇信。冤豬頭都有盟鼻菩薩，別低估孫公渾身暗發的男人味。
三中西區社團。社團靠陀地收入支撐大局，維港唔填海，少塊地少個金毛強睇場，收入來源大減，想唔被徐嘉慎辣㷫都幾難。四油尖旺社團。道理一樣，油尖旺揸弗人一早睇中維港，想它一路填過來九龍，港九一體化，黑社會大聯網，收靚劈友唔使過海，隧道費都慳番。
五火星人。連傳媒都抓不住徐嘉慎痛腳，但恐嚇者竟然咁短時間起清晒佢個底，除了日日在太空昅實地球的火星人，還有誰。
六地產商。地產商不是你九十歲的娘親，唔恐嚇你，唔通惜住你？