APEC今年喺曼谷召開，香港好可能舉辦WTO第六次部長級會議，所以八方特別注意呢類大會嘅安排，順便幫香港政府偷師。
雖然泰國唔算富裕，但今次都幾豪，新聞中心電腦任用唔在講，八方攞記者證時重收到一叠飯票，雖然唔係長期，但已經夠喺泰國食七日。
泰國「豪情」唔只包三餐，重送埋按摩。記者採訪APEC咁辛苦，泰國按摩又咁出名，大會專登設立按摩區，每人免費享受半小時，不過大庭廣眾之下，傳統泰式按摩唔方便，只能做腳底按摩，但已經係八方採訪大型會議咁耐以來，最感動嘅一次。香港下次唔知會有乜嘢新招，令國際傳媒留下深刻印象？
本報記者曼谷傳真
傳真︰2623-9278
電郵︰