北京完咗三中全會，啲領導聽講已經全方位出動，各就各位，為神舟五號升空做好準備。
早前有消息話江澤民、胡錦濤會留喺北京遙控，但係最新消息又話佢哋已經去晒酒泉，其實乜嘢消息都冇意思，太空人一升空，就唔使再估。
聽聞老江頭馬國家副主席曾慶紅都會去埋酒泉，呢位中國政壇新貴的確好忙，因為佢已經定咗呢個星期五同星期六去澳門走一趟，出席澳門「屍爬」嘅簽署儀式。
八方都讚過澳門特首何厚鏵叻仔，永遠緊跟香港啲好野，沙士就唔跟。𠵱家全中國只有兩個特區，阿爺冇理由大細超，挺港不挺澳，加上曾慶紅身兼中央港澳協調小組組長，佢出席儀式，最適當不過。
既然中央領導親臨濠江，唔知老董同班特區高官會唔會去湊高興呢？次次同何厚鏵企埋，唔知有乜感受？特首方面未有消息，唐司長就因為事不關己，唔會去喇。
（圖）曾慶紅本周五、六會去澳門出席澳門CEPA簽署儀式。
傳真︰2623-9278
電郵︰