方力申（Alex）昨日往柴灣為「護苗基金」的性教育短片配音，對於前緋聞女友李彩樺被拍得與富家子丁子高拍拖一事，Alex說：「係呀，我上次都有問過佢，佢話只係咁啱俾人影到，不過呢次我梗係會再問吓佢喇，佢𠵱家都忙拍劇，少咗聯絡。」問到Alex會否相信李彩樺與人拍拖的傳聞時，他說：「我上次都問過，如果真係呃我，就朋友都冇得做。」
Alex昨談到李彩樺時言語間頗有醋意，記者再問到他與Cookies成員Stephy的緋聞時，Alex亦突然失常大爆對方的行程，他說：「我知佢（Stephy）聽日生日，不過佢𠵱家喺東莞拍嘢，我今晚又要去上海，可能會SendMessage畀佢，等大家都忙完返到香港再約食飯。」
此外，護苗基金主席蕭芳芳昨戴上一個大眼罩，還在右眼位置貼上一張字條：「右眼爆血管，見不得人」，蕭芳芳說：「隻眼紅晒，血管爆晒，醫生話叫我休息，但今日冇辦法，個個都係自己邀請。」蕭芳芳又透露早前到美國接受了一個「耳鳴治療」手術，她說：「我聾唔驚，耳鳴重慘，做完個手術，六個月唔可以聽太嘈嘅聲，去街都要戴耳塞，寶珠（陳寶珠）演唱會都去唔到，太嘈，佢都知道。」
採訪：楊潔雯
攝影：陳慧安
