顧紀筠月前到泰國為皇室纖形拍攝全新廣告相，新婚的她再披嫁衣，穿上性感的迷你婚紗上陣，又破例穿上巴西泳衣品牌RosaCha彩色泳衣及性感純白比堅尼等拍照。
顧紀筠昨日接受電話訪問時說：「以前我只可以接受着低V，唔露得腳同腰，𠵱家幾fit。今次去之前唔知要着啲乜嘢衫，件白色比堅尼泳衣我喺酒店房着畀老公睇過，佢pass我先敢着。」
一向與鑽石有緣的顧紀筠今次獲鑽石供應商DTC與泰國珠寶商SincereJewellery借出三千萬元鑽飾拍廣告，而她亦出動私伙價值一百三十萬、五卡半的鑽石婚戒。大會派出六名保安人員緊盯拍照過程，她說：「中途我去換衫，唔記得除低首飾先，即刻成隊人衝出嚟追住我，嚇得我！」
採訪：DebbieLum