「康仔」與很多年輕人一樣，在孩童時代也有運動上的偶像，而他的偶像就是「波神」米高佐敦。他說：「可以話因為米高佐敦令我曾經瘋狂迷戀籃球。」
他說：「讀中一時，開始超鍾意打緊公牛嘅米高佐敦，因為太過欣賞佢嘅超乎常人嘅球技，就買咗好多佢嘅海報，重貼到成間房都係米高佐敦；當中梗係包括佢嗰張經典跳起入樽嘅海報，至於佢出嗰系列波鞋，因為價錢一啲都唔平，所以就冇買到。」
「記得當年每次睇完電視播公牛嘅比賽，就會落街打波，打到冇晒力，至肯返上屋企。由於嗰段時間對籃球產生好濃厚嘅興趣，差唔多日日都會打，因為練得多，響嗰段時間個人技術有好明顯嘅提升，而體育教師更曾響暑假帶我去跟南華籃球隊跟操。」康仔說。
張穎康還從籃球中領悟出，要成功，還需與隊友配合。他說：「因為我射波比較準，所以打學界時隊友好多時都將啲波交晒畀我射，但我當太集中一個人進攻嘅時候反而更加難入；嗰時開始知道，原來要成功係需要與人配合。」
功夫：每星期3次，每次2-3小時
跳舞：每星期3次，每次2-3小時
踢足球：視乎朋友及工作而定，但每月最少有一次
運動小貼士：「我須多做運動才能保持體形，所以工作怎忙，也抽時間做運動。」
早餐：茄蛋治、2杯水
午餐：麫或飯
晚餐：淨菜走油
飲食小貼士：「早午餐可吃得豐富點，因日間工作需要相當多的能量，晚餐則盡可能吃得清淡點，而近年我晚餐只吃菜，也盡可能戒吃消夜。」