上星期初，亞Mark曾經披露過日產香港代理，正部署引入全新Teana豪華行政級轎車，以替代原有Cefiro車系，及後更獲得有關方面嘅肯定。據知，新款Teana會用回Cefiro嘅名字響香港發售，皆因舊有Cefiro早已深入民心，過往重有不俗嘅銷售紀錄呢！而新一代Cefiro會以全新2.3公升V6引擎打頭陣，以抗衡豐田Camry同本田Accord車系，遲吓重會引入至頂級嘅3.5公升V6偈，以及屬入門版嘅2.0公升直4型號㖭！市場部署跟早前豐田引進新Camry相近；惟車價方面，相信新一代Cefiro會更為吸引，加埋日產VQ引擎嘅耐用性同口碑，只要準買家受落新車嘅包裝同概念，相信屆時新Cefiro響11月登場時，定必會收事半功倍之效㗎！