7.1大遊行觸動萬千人心，有人話會去投票、有人話不如移民返大陸……但最積極同埋正面嘅，莫過於剛上任做數碼港行政總裁嘅楊偉雄。
八方噚日與楊總裁茶敍，呢位蜆壳集團大老闆翁佑嘅乘龍快婿講，7.1當日同朋友喺電視睇到五十萬人上街，即刻同朋友講「若要香港好，只要搞好經濟就得」，跟着又話，「香港嘅私營企業做得咁好，應該將呢啲寶貴經驗帶入政府」。呢位朋友答口話，好似數碼港請緊總裁，你又有科技經驗（專長銷售光纖通訊），不妨去試吓。
楊偉雄覺得有道理，於是毛遂自薦，寄信去政府應徵，最後打低獵頭公司搵番嚟嘅一班候選人，離開蜆壳，加入數碼港。
講開又講，八方無懷疑楊總裁嘅資格，只係奇怪佢點解冇俾人獵中，可能大家都冇諗過佢都想跳槽啩！
傳真︰2623-9278
電郵︰