喺英國好紅嘅三人女子組合AtomicKitten，喺今個月二十四號，會同俄羅斯二人組Tatu，同埋本地嘅Twins，一齊喺維港巨星匯度表演。我大口羅拉收到風，咁啱AtomicKitten下個月就會出全新大碟《LadiesNight》，佢哋今次嚟香港會做埋宣傳，真係一舉兩得。
AtomicKitten已經開始喺英國谷緊新碟，佢哋啱啱為全新細碟歌《IfYouComeToMe》，拍咗個好性感嘅MV。Natasha、Liz同Jenny三位成員着得好性感，喺鏡頭前一邊唱歌，一邊跳舞，有意無意間彎低身大騷身材，而只係着條短褲仔嘅Jenny，股形盡露，好鬼誘人。
不過，個MV嘅戲肉，唔係三位成員跳舞咁簡單。佢哋每個人重分別對住鏡頭全裸演出，真係令啲男士大噴鼻血！話晒個MV唔係走三級路線，所以AtomicKitten全裸得嚟，擺出好高難度嘅動作遮住自己嘅重要部位，加上導演喺佢哋身上加咗啲迷幻效果，令到三位靚女嘅身材若隱若現。