自從八號仔電盈搵咗JackSo蘇澤光做董事總經理後，小小超李澤楷就好少露面，一心做幕後大股東。但為咗社會服務，佢就冇必要低調。
小小超噚日以個人名義贊助協青社管弦音樂會，重去埋大會堂捧場。八方問佢係咪有學過音樂，佢笑笑口話：「學過小提琴，不過好水皮咋！」咁有冇用嚟𠱁女仔呢？小小超：「冇，虐待人哋，虐待自己啦！」
咁又點解冇請女伴一齊聽？小小超即時搭住身邊嘅立法會大秘書馮載祥，話對方係佢partner。
而協青社主要係幫助啲青少年遠離不良分子，鼓勵佢哋培養良好興趣同生活。噚晚嘅音樂會都係用捐款籌集資金舉行，不設售票，小小超就係最大嘅捐款人。
八方聽聞，小小超早年曾為邊緣青少年補習，又去探夜青；為邊緣青少年提供生活及就業輔導嘅協青社，佢就梗係支持啦。
（圖）記者問小小超有冇同女伴一齊嚟，佢就即刻話身邊嘅馮載祥（右）就係佢partner。
傳真︰2623-9278
電郵︰