陳文媛（BoBo）、古巨基和李逸朗昨日往奧海城出席公開活動。BoBo表示有個六十多歲的嫲嫲，她說：「我細個好鍾意跟住嫲嫲㗎，我哋又鍾意打麻雀，所以有時都會鬆章畀佢，𠱁吓佢開心，因為佢都好孩子氣嘅。」
對於港台的「十大中文金曲頒獎禮」將會提早舉行，問BoBo可會出席和對她有否影響？她說：「未知，但都會盡量出席。點都會有啲影響，針冇兩頭利，總之有利有弊啦。」
另外，古巨基對於與蔡卓妍傳緋聞一事回應說：「邊有咁嘅事，我睇到嘅只係連環圖嘅其中一格，都唔係事實。」至於日前鍾欣桐（阿嬌）踢爆基仔已有女友，基仔說：「我同阿嬌都唔熟，不過想約佢打桌球，因為我知道佢識打。」
採訪、攝影：李佩洳