吳浩康前晚於旺角一酒吧獻唱，3T的Maggie及Mandy、吳國敬、緋聞男女張柏文與Cookies前成員Angela、揚明及Cookies的Theresa等都到來捧場。
張柏文與Angela不時耳語，問柏文二人是否拍拖，他說：「唔係，我同揚明嚟㗎，不過我見到佢（Angela）都冇尷尬，我哋平時有同成班朋友出嚟食飯，兩個人就冇。」問柏文覺得Angela如何，他說：「Cookies個個都好乖女，我都唔知佢哋嚟。」問柏文可有拍拖，他說：「我都唔識媾女，我鍾意單身。」
Angela亦否認與柏文相戀，問到可有與柏文約會，她則表示飯敍時張豪龍及張栢芝也有在場，問她可有見對方家長，Angela說：「未，我喺雜誌見過佢阿媽。」她得悉柏文讚她是好女仔時，即說：「佢都係好男仔，佢讚我都係做善事啫。」
採訪、攝影：汪正文