生活DIY：
4色香薰蠟燭自製價唔使$20

我一向有燃點香薰的興趣，當中尤愛蠟燭，因為外形美觀又較襟用。但每款動輒百多元，這樣燒銀紙的確幾肉痛。有日揭雜誌，見到坊間有自製香薰蠟燭的Course，心想，自己買料做重慳錢喎！

記者：招佩珊　攝影：黃子偉

玩堆沙5分鐘搞掂
沙蠟是3種自製香薰蠟燭方法中最容易的，用現成一樽樽不同顏色的沙蠟便可，毋須煮或等待凝固，不用5分鐘便完成，就連小朋友都識做。我建議選用透明器皿，這才可凸顯沙蠟的顏色層次。而這杯沙蠟的自製價更唔使$20，買4色沙蠟（$7/樽）共$28，但我每種顏色只用了半樽即$14，而一包$18有10支的蠟燭芯亦只用了1支即$1.8，當幾滴香薰油約$2，埋單計只需$17.8，確實超平。

步驟

貼士：
若使用高身器皿，可用匙羹擺放沙蠟。一般滴10滴香薰油已夠香，想增添香味可加多10滴，但不要多過4樽。

雞尾酒睇得聞得唔飲得
啫喱蠟煮溶後可倒進不同形狀的玻璃器皿內，再加入喜愛的小物件如乾花、塑膠星星或迷你玩具，就變成蠟液擺設。今次我以一隻酒杯及兩粒塑膠車厘子，就成了一杯幾可亂真的雞尾酒，加入了香薰油更有陣陣香味。

材料：
啫喱蠟$65/盒、蠟燭芯$18/包、香薰油$10/樽、塑膠星星

步驟

貼士：
啫喱蠟在燃點時會有黑煙，故較適合作擺設。

廢物利用雪糕杯變蠟燭模
利用模具可做出不同形狀的蠟燭，不過在美勞材料店買一個柱體或球狀模具，動輒要百多二百元，雖則可循環再用，但若然屬興之所至只用一、兩次的話，就略嫌昂貴。其實，將被棄掉的飲品紙盒或塑膠盛器亦可用作模具，例如雪糕杯可做出柱體蠟燭，牛奶盒便可做到方形蠟燭。

材料：
白蠟$88/包、蠟燭染料$18/包、蠟燭芯$18/包、香薰油$10/樽

步驟

（註：想做層次效果，可待第一層蠟液凝固後，再倒入第二種顏色的蠟液。）


貼士：
盛器的物料要夠厚，並待蠟液稍為冷卻方可倒入，否則會溶掉蠟燭模。

小秘技
沙蠟面加啫喱蠟免倒瀉
一杯杯的沙蠟容易碰瀉，要避免層次分明的顏色走樣或沙蠟在枱面四散，可在頂層的沙蠟上倒進一層薄薄的啫喱蠟，不會遮蓋沙蠟顏色。煮蠟時要留意溫度，白蠟一般加熱至攝氏八十度，啫喱蠟則加熱至攝氏六十度，若煮蠟時冒出白煙便要停止加熱，待蠟液稍為冷卻後才繼續。