性感女神朱茵平時着低胸短裙已不是新鮮事，原來她最喜歡儲絲襪。嬌小玲瓏的朱茵認為自己穿上絲襪的時候最性感，至今家中收藏半百對不同花款的絲襪。
朱茵芸芸收藏品中，大部份是顏色鮮豔、圖案特別的絲襪，當中最多的是日本著名品牌TsumoriChisato的出品，朱茵說：「其實我儲呢啲絲襪唔一定買有牌子嘅，只要我覺得靚就會買，我身邊嘅朋友都會幫我留意吓有乜特別嘅款式。」
問朱茵為何偏愛收藏絲襪？她解釋：「我覺得襪雖然係一樣好細嘅嘢，但係如果你襯得好嘅話，成套衫畀人嘅感覺就會唔同晒，而且我好滿意自己嘅腳形，有時着咗絲襪再襯一對高踭鞋，啲女人味即刻滲晒出嚟啦！」
朱茵表示她最喜歡的一對絲襪，就是拍照當日穿着的藍色襪褲再加一對魚網襪，原來這個襯法是由其男友黃貫中提議的。朱茵甜絲絲地說：「我之前一晚打畀佢，問佢着紅色定藍色好，佢話我着藍色好睇啲，而且佢都有讚我着絲襪着得靚。」
朱茵更分享她的穿絲襪心得：「我所有絲襪都會手洗，之後攤平晾乾，乾咗之後放入密實袋。我又唔會留太長指甲，免得容易整穿啲絲襪。我間中亦會用鹽水浸腳紓緩吓，腳踭同小腿都搽唔同嘅潤膚露，腳踭要潤啲先得，唔係好乾㗎！」
絲襪花款層出不窮，日本產品更是花招盡出，有集氣味、美容、瘦身效果等的絲襪，例如有聲稱加了西柚成份、蠶絲蛋白或天然膠原蛋白等的絲襪，以美肌美白吸引女士青睞。
而絲襪也不再是女士們的專利，日本也有推出男性專用絲襪，以保暖作賣點，其厚度只有一般女性絲襪的五分之一，但男士穿着保暖絲襪還未普及化。
