立法會真係愈來愈多規矩，八方呢兩日聽啲議員講開，知道立法會秘書長馮載祥前幾日發咗封信畀全體議員，話畀佢哋知立法會已經為議員裝咗新貯物櫃，係加大咗嘅貯物櫃，大小足以收埋件外套同恤衫。
因乜事無端端整啲咁嘅嘢？馮載祥話既然貯物櫃大咗，主席范太就指示佢通知議員，注意番《議事規則》有關議員出席立法會會議，衣飾必須保持莊重嘅條文，而好似T恤、汗衫呢類便服就係「不可接受」嘅。
𠵱個講法，似乎係針對緊幾位勞工界議員，包括李卓人、梁耀忠佢哋喎。
阿人就同八方話，個貯物櫃夠大，咁你就要着西裝嘅安排夠「不可接受」啦，因為女議員個個可以着到花枝招展，男議員就一啲創意空間都冇。其實𠵱家社會開放好多，着T恤都唔代表唔莊重，問題係睇吓你點着啫。
（圖）李卓人平時去立法會都係恤衫西褲，係爭套老西啫！
傳真︰2623-9278
電郵︰