名模MaggieQ早前赴法國欣賞Celine○四年春夏新裝展及派對，與Celine高層大跳狂野舞步，成功打好關係。MaggieQ昨日返港出席鑽飾展覽，透露已傾妥新約，獲贊助Celine春夏季新裝，更直言不介意外間睇法。提到感情，她仍對分手多年的舊愛吳彥祖讚不絕口。
混血名模MaggieQ昨日以代言人身份，到銅鑼灣出席鑽石供應商DTC「祝動鑽飾」展覽。MaggieQ以鮮紅上海灘唐裝襯熱褲上陣，興奮調皮地通場走揀鑽飾。
MaggieQ以英語接受訪問，意譯如下：「我好需要瞓覺，因為我噚晚（前晚）先返到香港咋，好眼瞓！」
早前MaggieQ在巴黎參加Celine派對，又與Celine高層跳舞狂歡，她昨日興奮地透露冧莊成功，再獲Celine贊助多一季，MaggieQ說：「今次傾掂咗，Celine春夏季會繼續sponsor我，好開心，因為今季MichaelKors嘅設計真係好靚。」
MaggieQ表示不介意外間如何看待她的做法，她說：「我鍾意同工作上嘅夥伴保持良好關係，至於人哋點睇，我唔會理。我係一個開心女孩，鍾意尋開心，如果我唔鍾意（去派對跳舞），我唔會做！批評我嘅人可能唔鍾意開心，去派對冇理由坐喺度，齋坐不如返屋企！」
MaggieQ表示法國之行未能盡情購物，但喜獲巴黎傳媒邀請訪問，法國男人十分浪漫，問她可有豔遇？她說：「冇，因為我好難投入一段新戀情，我對男友要求好高，要smart、自信，唔姿整同好man！」她又大讚前男友吳彥祖說：「已經過去咗，佢係一個好好質素嘅人，身為出色藝人但唔鍾意炫耀。」
問MaggieQ吳彥祖是否她的最愛？她說：「佢係我一段最投入嘅戀愛，最認真嘅關係，我過去真係好鍾意佢！」她表示下周將到上海出席頒獎活動，下月則會參演一部亞洲電影。
採訪：JessicaNgan 攝影：HoKwokHo
