噚日係TVB嘅大日子，耗資成二十二億嘅將軍澳電視廣播城正式開幕，加埋台慶亮燈，六叔請到老董同煲呔曾做主禮嘉賓，詩姐等主要官員都有出席；一、二、三、四線嘅花旦、小生空群而出，不知幾咁熱鬧。喺咁衣香鬢影嘅場合，居然見到亞視老闆陳永棋，唔通佢嚟踩場？
佢嗱嗱聲同八方澄清，其實係TVB邀請佢嚟參加噚日嘅儀式，佢見到「友台」新廠落成，設備咁好，都好開心，恭喜晒。但佢話，亞視會迎頭直追，不斷自我改善，好似同廣東省簽訂合作協議，便可以帶嚟億計嘅收入咁話。
（圖）老董（右三）出席將軍澳電視廣播城開幕儀式，同六叔（左三）一齊上台祝酒。
傳真︰2623-9278
電郵︰