無綫昨日在將軍澳電視廣播城舉行開城大典，有關方面一早通知各藝人準時在昨午一時到達電視廣播城。不過，昨日所見，仍有數位藝人遲到，包括遲到二十五分鐘的江華及遲到十多分鐘的顧紀筠和黎姿。
向來開工例遲的江華在到埗後，仍一臉施施然，更和老婆麥潔文擺出甫士給記者影相。江華對自己的遲到解釋說：「我都唔想，不過都算趕得切啦！遲少少唔係問題，其實嚟賀TVB開廠好似去飲咁，開心派對嚟嘅，最緊要人到，有啲人唔到但禮到，而我就人到心到，總之開開心心就得啦！」
而到晚上八時半節目開始前，江華在八時二十五分還未見人，工作人員透過咪呼叫：「江華麻煩你到咗嘅話，請盡快化妝、換衫、入廠」，最後江華在八時三十五分才現身，記者提醒他要盡快換衫，江華反問說：「乜要換衫嘅咩？」