看看新聞，看看香港政府的決策，災難性又富荒謬感，有時真使人哭笑不得。滾石最終決定唔玩「維港巨星匯」，花咁多錢話宣傳香港畀世界各地，唔通人家山長水遠來看你Twins換換衫打打側手翻咩。
其實一開始堅持在添馬艦演出，話宣傳維港景色，一邊填平海港，就已經夠諷刺。民間搞演唱會都求賺錢，政府要蝕千萬計成本外，重撞正保護維港運動。萬一保港大遊行撞正巨星匯，分分鐘令「保港」成國際新聞。
不過純作娛樂，對樂迷來講依然係盛事，總會揀番場來睇。來港巨星唔算驚喜，沒有滾石，首選固然係Santana，但你想睇年年來港（重準時過拜年）嘅AirSupply亦悉隨尊便。頭場Prince17號（本周五）就舉行，買飛係時候。又不妨留定少少彈藥，睇吓政府搵到邊個填滾石11月9日嗰場？
記者：何兆彬
