海外試車：本報記者法國實地測試<br>標緻307CC開篷樂趣多

海外試車：本報記者法國實地測試
標緻307CC開篷樂趣多

法國標緻（Peugeot）車廠，自推出全新206CC開篷Roadster，響世界各地大收旺場之後，車迷期待已久嘅307CC，一部更見普及嘅中型開篷Roadster跑車，終於正式登場。而廠方更於早前廣邀世界各地傳媒，前赴法國南部SaintMaximin，實地測試呢部新車款；究竟呢部新款Roadster有幾正？大家不妨一齊嚟先睹為快，睇吓我哋特派記者嘅現場報道啦！

記者、攝影：李勤

■多部標緻307CC整裝待發，場面氣派十足。

■開關篷頂話咁易

■電動硬摺頂開關鍵置於前排之間，隨手可及。



唔少車迷夢寐以求可擁有一部開篷跑車之餘，又可以一嘗HardTop跑車馳騁公路嘅滋味，或許這正好解釋到標緻206CC自誕生以來，廣為車迷追捧嘅原因之一。然而，一部更高規格、性能演繹更勝一籌嘅雙門307CCRoadster面世，相信更為廣大車迷所受落。

■一按式電動硬摺頂開關，需時不過25秒內。

■一體式頭泵把連氣霸，下置有擾流器，有助行車穩壓性。

■全新低斜A柱設計有助減低風阻外，兩旁小窗重有擴闊視野嘅好處。



修長外形媲美轎跑車
剛面世嘅標緻307CC，車長較原有307多出137mm，主要係擴闊尾廂以容納一個全新電動硬摺頂，惟蓋上硬頂後嘅307CC，車高卻較原有307矮咗106mm，令外形變得修長扁平，更切合一部雙門轎跑車嘅需要。全新扁平嘅頭冚設計，匹配低角度嘅前幅擋風玻璃連A柱組合，更起有減低風阻嘅好處，跟頭燈相呼應嘅新款多盞式LED尾燈編排，既High-tech又見個性，而整個電動硬摺頂，還可於10km/h時速下開關，需時亦不過25秒內咋！

■尾泵把內置原廠泊車感應器，可靠又見實用感。

■鴨尾狀車尾別具穩壓作用外，High-mount煞車燈亦見安全性。



車廂鋪排講究重氣氛
全新鋪排嘅2+2座艙組合，明顯較同廠206CC要來得寬敞舒適，加上車廠嘅刻意安排，雙色高級皮椅響金屬面板嘅修飾下，重凸顯出一份豪邁貴氣。其中，又以一雙前排桶形跑車座椅，坐得貼服又見承托力；而設備方面，除原廠恒溫冷氣及6碟CD高級音響外，頂級版重有免提電話、電子導航連頂置顯示屏，還有大型首飾箱內附冷暖氣送風口呢！當然少不了重有四個安全氣袋及後排自動彈出嘅防滾架㗎！

■加入不少金屬面板修飾嘅座艙，倍顯高雅又見豪邁出眾。

■前後兩排足可乘載四名成人，空間寬敞又見乘坐妥貼。

■一套5前速手波，轉檔順滑利落，絕能讓引擎全面發揮。

■鑲有銀白框邊嘅一體式中控台，既有原廠恒溫冷氣、6碟CD高級音響外，還有免提電話鍵盤。



182匹輸出強悍無匹
剛面世嘅307CC分有兩台2.0公升直4DOHC偈配搭，前者馬力輸出140匹，後者一台跟最新206RC相同為至Top嘅182匹型號，匹配5前速手波，明顯後者段速表現平均有力，加速反應突出；反之，四輪懸掛要兼顧舒適性關係，稍嫌拐彎欠缺支持力，惟四輪高效能碟煞演繹出一份可靠性，加上電子ABS連EBD裝置，反應收放自如，匹配埋主動式ESP系統，更予人信心及安全感呢！

■尾廂容量甚大，就算收納篷頂後，仍見有充裕嘅載物空間。

■尾冚開關鍵隱藏於數字內，既簡潔又富保險作用。

■白底四圓表板組合，鋪排井然清晰易看。

■大型雙層式首飾箱，內附冷暖氣送風口，大可作凍櫃用。

■頂級版有頂置電子導航連顯示屏，駕車旅遊至愜意。

記者試後評語：表現出色又有型
全新電動硬摺頂設計，令呢部時尚有型嘅雙門Roadster，予人有雙重性格；再者，至頂級一台2.0公升直4偈（馬力182匹），匹配5前速手波，強悍一面可謂表露無遺。惟收起硬篷頂，又能演繹出開篷跑車嘅柔情一面。

標緻307CC2.0規格
引擎：1997cc直4DOHC
馬力：182ps/7000rpm
扭力：20.6kgm/4750rpm
傳動：5前速手波，前輪驅動
懸掛：（前）麥花臣支柱（後）扭力連桿
制動：（前）透氣碟（後）碟式（ABS）
輪胎：205/50ZR17PirelliPZeroRosso
尺碼：4347×1759×1424mm
軸距：2605mm；車重：1300kg起
0-100公里：10.0秒；極速：225km/h
新車售價：約港幣20萬起
查詢：靈獅汽車（28663000）

■頂級版307CC配備182匹2.0公升直4偈，輸出強而有力，教人印象難忘。

巴黎Peugeot陳列室直擊
今趟法國之行，適逢307CC正式開賣前夕，筆者趁機走訪位處巴黎嘅標緻Showroom，除響307CC展示台前擠得人頭湧湧外，另一邊車廠重擺放有1934年製嘅401Eclipse；當年呢部開篷車經已有硬摺頂設計，可謂現今Roadster嘅始祖，當然吸引到唔少車迷駐足細看啦！