近期，日本本田車廠可謂動作多多，先後為旗下多個車系推出Facelifted新版，當中包括備受家庭用家追捧嘅Stream七人MPV，以及走高性能開篷跑車路線嘅S2000等等；但原來響同一時間，廠方亦有為Civic推出Facelifted新版，實行與豐田Corolla抗衡咁話。
雖然Facelifted新版Civic嘅造型設計，與現有型號十分相近，但當細心留意下，不難察覺新車一組頭燈、頭泵把及鬼面罩等組合，都屬全新配搭，從而令造型望落較前年輕不少；車廂布局亦略有改動，四周更鑲有桃木裝飾，一份豪邁氣派油然而生。然而，新版Civic仍沿用一台1.5公升及1.7公升偈，動力輸出充裕，性能表現可謂毋庸置疑。
有興趣嘅車迷，就要密切留意新車嘅確實到港日期喇！