鄭中基和九九年落選港姐黃泆潼大前晚被發現在灣仔君悅酒店把酒談心，前晚黃泆潼接受本報電話訪問時說：「我哋唔係拍拖，選港姐嗰屆，佢係表演嘉賓，平時我哋都係成班人出嚟玩。」
黃泆潼續說：「嗰晚車婉婉同谷德昭都喺度，遲啲我會返內地拍劇，趁有時間約朋友出嚟輕鬆吓，我𠵱家冇男朋友。」當晚二人表現親暱，問黃泆潼可怕鄭中基女友楊千嬅誤會？她說：「我都唔知點答你，我最怕傳緋聞連朋友都冇埋，咁就會好寂寞，我係怕寂寞嘅人。」
而鄭中基昨日在電話訪問中說：「我同黃泆潼識咗好耐，喺《爆笑急轉彎》同《開心新班子》都合作過。嗰晚約班朋友敍舊，而我又同谷德昭傾新戲嘅嘢，點知肥谷一到就見到記者，咪散囉！據我所知，黃泆潼有男朋友，唔好害人啦！」
此外，本報昨日刊登有指黃泆潼和谷德昭一同離開酒店的照片，相中的女子其實是車婉婉，而非黃泆潼。
採訪：比華利