吳毅將與太太唐麗球（波波）的愛情結晶品，終於在昨早九時十五分，於九龍法國醫院順利誕生，囡囡重七磅四安士，預計波波可於四至五天後出院。
吳毅將接受訪問時笑不攏嘴，還急不及待把電話拍到的相片公諸同好。他說：「我哋搵相士擇咗時辰，噚晚入醫院前，同老婆食餐勁，之後重食甜品自助餐，去到醫院已經一點，醫生check到佢糖份高咗，我重陪佢瞓到三點幾先自己返屋企。」
吳毅將的囡囡會由相士改名，他說：「本來我諗過改名『正心』，佢姊姊叫『正思』，我想佢哋個心同思想都要正確。之後我會同佢擺滿月酒，重有人訂咗做BB契媽。」而波波產後情況良好，他說：「我冇陪佢生BB，佢生完我就畀相佢睇，佢喊咗兩次，我重同佢講個女同我都多謝佢。」
採訪、攝影：王連連
